麥明詩盛勁為結婚丨麥明詩搞3場婚禮原因勁窩心　直認累到要瞓足一星期

十優港姐麥明詩（Louisa）與盛勁為在上個月底舉辦了3場婚宴，每場都各有特色，場面盛大，不過有不少網民留言指搞足3場婚宴，看見也覺得累，甚至有人指Louisa太過誇張。

麥明詩盛勁為結婚丨十優港姐騷婚宴照寫幸福宣言　盛勁為夫婦疑飛斯里蘭卡度蜜月

原來搞足三場有原因

日前Louisa在社交平台分享婚禮的花絮照，並發長文解釋搞3場婚禮原因，表示不是想搞到好「盛」大，而係源自於一個儘量make everyone happy的初心，她更自認完事要瞓足成個禮拜先recover到。

她指與老公一早已決定將婚禮分幾次搞：

由於我和盛生好怕衝突、唔開心，所以我哋好早就決定將婚禮分幾次搞，而每一場都有各自嘅主角。大大小小嘅選擇就因住主角嘅需求而決定。

▲ 第一場是盆菜宴

Louisa指三場的婚宴各有主角，避免不少衝突：

第一場盆菜宴，主角係老爺奶奶。我地盡跟圍村傳統，賓客絕大部份都係佢哋嘅親戚和朋友，而表演嘉賓方面，就邀請了奶奶很喜愛嘅李龍基先生。

第二場係正常擺酒，主角就係麥生麥太，菜式、流程、程序等都以佢地嘅意見為首。圍數全部歸佢地兩老，只受場地所限而唔使同對家協調😌 婚紗款色都迎合佢地喜好

至於第三場，就係更瘋狂嘅party，主角終於係我同盛生喇✌️因為之前已經take care 咗雙方父母嘅要求，呢次我哋就可以盡情選擇自己鍾意嘅嘢 - 戶外草地、樂隊歌曲、西式食物、無限酒精🫢… 爸爸媽媽雖然唔識欣賞，但係都好盡力去嘗試投入 😂

呢個安排，幫我地避免咗唔少衝突。男女家唔使爭圍數、長輩和後輩唔使爭論食物和形式係中式定西式；頭兩場我和盛生安分守己地做好兒子和女兒的本分，再於尾場玩得好盡興🥳（盡興到啲相都唔出得街🤪)。咁壞處就係… 真係好攰🫠

▲ 麥明詩每場婚宴各有特色

最後她提醒各位家人指「冇咩所謂，簡簡單單就OK」這句說話不能盡信：

每人屋企都唔一樣，家家有本難念的經，以上純粹share下我倆嘅經驗。總括來講，我爸爸媽媽、老爺奶奶也是非常隨和，我們非常幸運，而最後似乎各人都開心。不過同時都提醒一句，家人話「冇咩所謂，簡簡單單就OK」呢句說話… ummm.. 千祈唔好盡信呀！

老公盛勁為隨即留言：「要揣摩『無所謂』呢3個字需要好多智慧」，不少網民也指真的「學到嘢」。

▼點擊圖片放大

+9

+8

最新影片推介：羅子溢專訪

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5